Bhopali Juban page1

Agar Aap Bhopali ho aur Miyan shabd ka use na kiya to kya naam ke Bhopali ho ‘Miyan’. Miyan shabd ka istemal ek dost ke sambodhan ke roop mein kiya jata hai.

Ex: Are Miyan ! kya Ghazab kar riya he ?

‘Khaa’ shabd Bhopaliyo ka ek aur Takia Kalam ya Jumla hai, ye shabd bhi sambodhan ke roop mein istemal karte hain. Khaa Shabd Bhopal ka ek prasidh jumla hai, Khaa ko yaar ke roop mein kiya jata hai.

Ex: Aur Khaa! Kya Chal riya hai.

‘Bhaai-ko’ shabd bhi khoob istemaal mein liya jata hain. Iska pronunciation Bhaaikko hai. Is shabd ka istemal Namastey ki jagah kiya jata hai. Aapko aapka pehchan wala kahin jata hua dikhta hai to turant hi muh se nikal jata hai ‘Bhaaikko’.

Ex: Bhaai ko! Kaise ho?

‘Bawa’ shabd kisi ko cool dikhane ke liye kaha jata hai. Bawa look Bhopaliyo ki shaan samjhi jati hai, Garmi ho Thandi Bawa always looks cool.

Ex: Janch rahe ho Bawa.

‘Bhannat’ ye shabd kisi khobsoorat vastu ki tareef karne ke liye kaha jata hai. Bhannat shabd ka istemal kisi gusse wale vyakti ke liye bhi kiya jata hai.

Ex: Ye to badi bhannat hai miyan!

NEXT PAGE