Bajrangi Bhaijaan Film Ka Review

Film ‘Bajrangi Bhaijaan’ ka intezar aap logo ki tarah mujhe bhi tha, last Eid par Salman Khan ki ‘KICK’ movie dekhne ke mujhe is Eid par release hone wali Salman  Khan ki film ‘Bajrangi Bhaijaan’ se mujhe umeed thi ki ye film KICK ki tarah hi logo ko achcha message degi.

‘Bajrangi Bhaijaan’ film ko dekhne ke baad ye ahsas bhi hua ki wakai mein film ke Director Kabir Khan kafi mehnat kar humko ek bahut achchi movie gift ki hai. Comedy aur emotion dono mein hi film tariff ke layak hai.

Film ke bare mein to main jyada kuch nahi bataunga aapko theatre hi jana hoga. (kisi bhi film ka asli maza single theatre ya talkies mein hi dekhne ko milta hai. Yadi aap is movie ko dekhne jaye to single talkies mein hi line lagaye ayr badi mushkil se ticket milne ke baad is film ko dekhenge to shayad jyada hi maja aayega.) Jaisa ki aap sun hi rahe ho ki ye film ek Pakistan ki 5 saal ki bachchi ki hai jo bol nahi sakti jo apni maa ke sath rajasthan ki ajmer dargah mein aati hai aur apne watan waapsi ke samay apni maa se bichad jati hai, Iske baad hi film ki kahani shuru hoti hai.

Kis tarah se Pawan naam ke sidhe aur imaandar vyakti (Salman Khan) se us bachchi ki mulakat hoti hai. Aur Pawan kis tarah se apni jaan ki parwah na kar manavata ki unchayi dikha kar us bachhi ko  apne maa-baap se milane Pakistan pahunch jate hain. Is film mein Nawaj Siddiqui ne fir saabit kar diya ki kyun log unki tariff karte hain? Unka damdar role shayad is film ko bahut saare awards dila de.

Jis tarah se film mein humko ye dekhne ko milta hai ki Ache bure log dono hi desho  mein hai. Ek taraf kuch log apni parwah na kar insaniyat ko banaye huye hain to kuch log paise aur naam ke piche insaniyat se kisi bhi had tak gir sakte hain.

Mera review hai ki ye film samaj ko bahut achcha sandesh deti hai is eek baar to jarur dekhna chahiye aur na sirf dekhna balki is film ke achche logo se unki achayi se pprabhavit ho kar unke jaisa achcha ban ne ki jarur sochein, kisi jaruratmand ki vyakti ki madad kar uske chehre par chhayi khushi ko dekhenge to wakai ein aapke dil mein itni khushi hoogi ki aap use bayan bhi na kar paoge.